Pengerami Steward seduai Catherine Kawin (Part 2)

Tampung berita pengerami Steward seduai Catherine.

Taja pengerami nya di atur ba rumah genterung pendiau di Machan, tang rindu ga meda bala ti sama bisi datai, rami sampai pagi. Pengerami di selit ka ngajat ngena live band Tembaga (betabuh) enggau live band biasa.

Pengerami malam nya enda kurang ga mantai ka bala penyanyi baru, ari Tatau, ari Bintulu, ari Miri, ari Sibu, ari Julau sereta ari Machan enggau Kanowit. Semua bela nganjung pengari niki ka panggau mai lagu puco-puco kena nganti ari ke tawas, awak ka enda ensepi bemalam di Machan, pia ko kaban ari Tatau siko.

Steward seduai Catherine mutung cake di kemata ka Aya Joanes, Aya Cikgu Saing, Apai Catherine sereta Aki Masing

Bala pangan Steward seduai Catherine ari Miri sama begambar ka pengingat

Ini Steward "Indai Sander seduai Indai Falicka"

Sekeda bala Generasi Igang ti sempat begambar

Sekeda bala ari Tatau ti sempat begambar

Steward seduai Catherine begambar enggau Apai, Indai & Aki



TR Ajak ari Tatau deka ngepun ka pengawa "Muka Baku" tanda pengawa ti Melah Pinang

Pengawa "Muka Baku"

Bala mayuh

Bala mayuh

Bala mayuh



Apai Mek pengari ari Kanowit ulih ngansak niki ke panggau, enggau 2 lagu ngena Live band ari Eusop & Co ti merindang sampai pagi

Aki Iki, Apai Du, Apai Ampi & Apai KingKuong

Bala TR Samsudin

Alfred Chuat, Apai Mang, Apai XXXX & Apai Charles

Raban Band Tembaga Apai Nini seduat Igat Saying

Betugas nyedia ka utai nyamai semalam-malam !!!

aab

Pengerami Steward seduai Catherine Kawin (Part 1)

Ngenatai ka pengaga ati ngagai "Uchu" Steward seduai Catherine laban seduai mujur ngepun ka siti ruang bilik sereta ngaga sempekat idup sekunsi makai segulai nyentuk ka jemah ila.

Pia mega kami sebilik ngenatai ka pengaga ati ngagai Indai Steward ti chukup penyiru ngibun seduai menyadi ari mit sampai ka besai tu ti semina di bantu bala ibu nuan ari Miri, Bintulu enggau di Machan.

Sekali agi meri Selamat Melah Pinang ka seduai Uchu sereta Selamat Hari Xmas enggau taun baru.

Nitih ka berita, pun seduai tu bekelala lebuh seduai niki ngagai dunya siber kenyau ari 2005 nyin kemari. Pama ga betemu ba dunya siber tau ngujung ka sida nembiak, bujang dara terus bechinta. Manah meh nya, tau tunda sida bujang dara ti bukai nyidi juluk buah ati diri empu ga.

Kena 12.12.2009 tu tadi pengerami Melah Pinang seduai tu bisi di atur ba Machan taja seduai tu sama gawa lalu diau mendam di Miri kenyau ari mit.

Aki Indai Steward nyengkelan ngena darah manuk Steward seduai Catherine jadi melaki bini nitih ka Adat Iban

Penatai bala temuai ari Tatau sereta Miri di sambut ngena adat Iban

Temuai di beri ai basa penatai

Bala Temuai di basa lalu deka di duduk ngena piring ngena piring ngena ading

Indai Steward sereta bala menyadi sama nyambut penatai bala Temuai ari Tatau ti deka nyadi kaban belayan

Sedia

Bala Temuai di tiki ka ngena adat bebanchak siko babi bujang

Dua iku anak Igang - Sebi Ak Igang seduai Masing Ak Igang ti berupai chukup pengaga laban ti ulih/sempat meda Generasi Igang ke 4 niri ka rumah tangga nyedia ka Generasi Igang ke 5


aab

PEMUTUS UPSR 2009

SK Ulu Machan udah mujur ngenan ka pemutus UPSR 2009 tu tadi 83.3% sebaka enggau pemutus UPSR 2008 suba. UPSR taun tu tadi, siko aja nembiak bulih pemutus ti pemadu manah, 3A, 1B & 1C. Nembiak ti bukai bulih 2A & 3B, lalu sekeda bulih 1A, 2B & 2C.

Taun tu mega, SK Ulu Machan mujur ngulih ka pemutus "ranking" ti nombor 2 ari semua 25 Sekolah Kebangsaan ba pelilih Kanowit, berita tu di temu maya ti berandau enggau Guru Besar, Cikgu Julius Urie ba Premier Hotel Sibu kena 24/11/2009 tu tadi.

SK Nanga Sengayan, sekula ti mujur ba UPSR 2009 tu tadi, 100% pass ba pelilih Kanowit, nyadi sekula ti ba "ranking" nombor 1.

Ngenatai ka pengaga ati ngagai bala pengajar sereta semua kakitangan sekula ti betuai ka Cikgu Julius Urie, ari kami sebilik, bala menyadi, bala petunggal sereta semua kaban belayan ti kala sekula di SK Ulu Machan.

Selamat mujur dalam semua pengawa, gerai sereta regas ba semua pengawa pemansang ka diri sebilik, serumah, bansa enggau menua.


h

Berita Pemansang Pelajar Menua Pesisir

Berita tu ayan ba Utusan Borneo, Guru Besar En. Julius Urie, ngari ka sekula sereta PIBG meri besai terima kasih ngagai bala ti mantu sekula/PIBG begiga ka belanja di kena mai bala nembiak nemuai, laban taun tu SK Ulu Machan enda ampit nerima bantu ari Opis Pelajar belanja kena nemuai.

Iya mega ngenatai ka terima kasih ngagai Utusan Borneo ti mansut ka gambar sida lebuh ti nemuai ngagai Timber Museum di Wisma Sumber Alam Petra Jaya Kuching.

Berita ayan ba Utusan Borneo kena 10/11/2009

n

Nembiak SK Ulu Machan Nemuai ke Kuching

Sekeda sekula di menua pesisir bisi ngatur penemuai bala nembiak, apai indai enggau bala pengajar ngagai sekeda alai ti tau meri pengelantang enggau belajar ka penemu baru.

Guru Besar, En. Julius Urie, ti nyadi tuai rombongan SK Ulu Machan, madah ka pengaga sereta pemegah ati laban sekula tu, taja di ulu sungai, kira ulih semekih enggau sekula bukai ba semua pengawa, pemutus peresa enggau kerjasama sereta sukung bala mayuh.

Taun tu, sida iya ngatur penemuai ke Kuching kali kedua, belabuh ari 5 - 7 Nov. 2009, terubah SK Ulu Machan nemuai ka Kuching dalam taun 2007. Dalam 2008 kemari penemuai sida iya ke Bintulu terus ke Miri.

Penemuai sekali tu ke Kuching, bala raban, 10 pengajar enggau kakitangan sekula, 2 AJK PIBG, sereta 35 nembiak taun 5 enggau 6.

Guru Besar, En. Julius Urie (Baju Biru)

guru Besar begambar enggau bala Pengajar sereta Kakitangan Sekula

Sekeda nembiak SK Ulu Machan begambar bekau ke nemuai ngagai Muzium Kayu di Petra Jaya

Nembiak begambar dalam Muzium Kayu STIDC

Apai Jay (Sibat Ak Nyanggau), siko ari Kakitangan SK Ulu Machan

Pemansang ti Seruran di anti

Ngenatai ka pengaga ati ngagai semua bala di pelilih Kanowit. Berita pemansang ti ayan ba surat berita nya tentu amat mai pengaga sereta pengandal semua bala ti diau di Kanowit. Taja pan ukai semua bisi penguntung bebeli ka rumah murah enggau kena pemansang tanah, tang pemansang ti kena perchik ti ukai tentu bisi terus ngagai setiap tubuh, sereta nerima penguntung bukai, baka jalai pesisir enggau nambah ka rural growth centre. Sekeda tega ti diau di menua ulu bisi peluang sereta mampu bebeli ka rumah semak pasar awak ka bala anak enggau bala uchu semak sekula enggau semak klinik.

Pengarap sereta pengandal bala mensia mayuh ti diau di pelilih Kanowit enggau bala kaban belayan ti nitih ka periuk ti jauh nyepar ari Kanowit, semampai besampi minta pemansang nya datai enggau jampat, ukai 10 tauka 5 taun ti ka datai, tang meh naka penyampat iya. Jangka aku nadai kebuah agi ga pemansang nya be anti-anti laban berita ti ayan ba surat khabar nya udah madah ka duit ungkus ngaga pemansang nya udah sedia.

Pasar Kanowit

Berita pemansang ti deka datai di Kanowit ti ayan ba surat berita

Berita pemansang di menua pesisir di sadang ulih ngangkat ka tikas pendiau enggau tikas pengidup ti ayan ba surat berita

Sekeda ari Berita Sinu

Ngenatai ka penyinu ati ngagai bala ti kena tuntung penusah, Jonnwin Ak Penghulu Umpi sebilik di Rh. Barnabas Kadom Semedang Baru sereta Henry Ak Umping sebilik di Rh Jampung Nanga Jerangku.

Jonnwin kena tuntung penusah kena minggu dulu tu kemari. Anak tuai iya ti agi belajar ba Politeknik Kuching kena eksiden ba jalai raya enda jauh ari Pasar Machan lalu ngujung ka anak lelaki iya lesi bebadi. Bisi macha berita ba surat khabar, pia mega pansut pesan ba radio, minta ampun ngagai kita sebilik Win laban sekeda bala kaban belayan kitai enda sempat ngesah maya nuan kena penusah, tang taja pia bala kitai sekaban di Sibu, Julau, Mukah, Kanowit ti bisi ninga berita bisi ngenatai ka diri.

Henry Ak Umping sereta sida sebilik mega kena tuntung penusah, di tinggal ka apai sida iya ti kena sakit buah pinggang 2 minggu nyin suba. Pengawa basa niang apai sida iya, ngetas ulit lalu muai tebalu kena 11/10/2009 tu tadi. Mayuh kaban belayan datai ngesah pengawa sida di Rh Jampung Ng. Jerangku.

Berita kaban belayan ti lesi bebadi bukai enda temu, nya alai nadai di kenang ditu, taja pia kitai sama besampi ka semengat sida iya, semengat sida ti lesi bebadi diau begulai enggau semua orang sante. Pia mega kitai sama besampi ka sida ti kena tuntung penusah, ngarap ka sida gerai ba tubuh sereta gerai ba runding kena sida nerus ka pengidup enggau pemaik dalam dunya tu.

Sekeda berita dalam gambar:-

Ngetas ulit basa ka Niang Umping Ak Mapang

Manggi ngari ka sida menyadi bejaku ka adat basa tebalu

Indai Falicka bejaku ka adat tebalu ngari ka bala menyadi Niang Umping

TR Petay ngenatai ka jaku adat basa ngari ka bala bini Niang Umping

Sekeda bala kaban belayan ti sama datai

Bini Niang Umping di kupas ari semua penti pemali nitih ka adat Iban -muai tebalu

Pemakai sereta utai di irup udah sedia, pengudah semua adat di titi di tali ari ngetas ulit sampai ka muai tebalu

Pemancha Jantan seduai Indai Falicka ngungkup ka sen pemali adat basa tebalu ngagai semua kaban belayan sepiak Niang Umping

Berita Pemansang Rumah Tangga

Ngenatai ka pengaga ati ngagai Sirai seduai Endun Regina, laban ti udah mujur niri ka ruang bilik serambau enggau Gawai tu tadi. Kami besampi ka seduai lantang senang begulai sampai ka jemah ila.

Pengerami melah pinang seduai tu tadi ba Rh Jampong Ng Jerangku Machan, di gulu mayuh bala kaban belayan ti datai ari jauh enggau ti semak. Sekeda kaban belayan datai ari Lingah Pakan, Bintangor, Julau, Sibu sereta Miri.

Selamat Melah Pinang ka seduai Igat Sirai & Endun Regina

Untam Apai Mang, apai pengantin indu bejaku ngelalu ka penatai bala mayuh

TR Mathew Dana, Apai pengantin lelaki ngenatai ka jaku pengaga ati

Apai Sirai seduai Apai Mang begambar begulai enggau anak seduai ti di rami ka malam nya

Machan kena Penusah Bah

Sinu ninga berita ari Machan. Pasar Machan kena bah, sekeda bala pindah sentara ba sekula China atas bukit belakang pasar, tang bisi ga sekeda diau ba langkau arau, baka sida Rimbo ti bisi ayan ba surat berita.

Taun tu semak seminggu bah tang enda nyengala dalam banding enggau bah taun dulu nyin kemari.

Berita ti ayan ba Borneo Post 6/2/2009

Selamat Taun Baru

TR Barnabas Kadom, ti nyadi Chairman SDNU Pampang Machan ngari ka Kaban Komiti SDNU ngenatai ka "Selamat Taun Baru" ngagai semua bala "orang Machan" ti jauh enggau semak.

Nitih ka berita, program SDNU Machan taun 2009 deka majak nambah ka kaban baru awak kena nyerakup ka bala mayuh di Machan. Program bukai ti deka di atur deka di padah baru laban nganti pemutus ari Meeting Komiti SDNU Pampang Machan.

"Selamat Taun Baru 2009"

"Segulai, Sejalai & Sepenemu" dalam SDNU