Friday, February 6, 2009

Machan kena Penusah Bah

Sinu ninga berita ari Machan. Pasar Machan kena bah, sekeda bala pindah sentara ba sekula China atas bukit belakang pasar, tang bisi ga sekeda diau ba langkau arau, baka sida Rimbo ti bisi ayan ba surat berita.

Taun tu semak seminggu bah tang enda nyengala dalam banding enggau bah taun dulu nyin kemari.



Berita ti ayan ba Borneo Post 6/2/2009


Thursday, January 1, 2009

Selamat Taun Baru


TR Barnabas Kadom, ti nyadi Chairman SDNU Pampang Machan ngari ka Kaban Komiti SDNU ngenatai ka "Selamat Taun Baru" ngagai semua bala "orang Machan" ti jauh enggau semak.

Nitih ka berita, program SDNU Machan taun 2009 deka majak nambah ka kaban baru awak kena nyerakup ka bala mayuh di Machan. Program bukai ti deka di atur deka di padah baru laban nganti pemutus ari Meeting Komiti SDNU Pampang Machan.

"Selamat Taun Baru 2009"

"Segulai, Sejalai & Sepenemu" dalam SDNU


Thursday, December 11, 2008

Berita ari Sekula

Tu siti berita ti ayan ba Borneo Post kena 10.11.2008. Berita singkang pemansang pengawa tauka aktiviti ti bisi diatur ba sekula.

Ngenatai ka pengaga ati ngagai bala Cikgu ba SMK Kanowit, besampi ka semua kita mujur magang dalam semua pengawa, lebih agi nempa nembiak nuju pemujur ba pelajar sekula ukai nangka pom lima enggau pom enam tang mujur datai ngagai Universiti.


Thursday, October 30, 2008

Sistem Tagang

Aram Makai Semah sambil kitai Picnic


TR Sandai enggau TR Kayan sereta Raban Komiti Pemansang rumah panjai udah netap ka hari, maya "Harvest System Tagang" di Machan.

Hari Bulan: 29 - 30 Nov 2008
Tempat: Sungai Mangut Machan Kanowit

Bala ti semaya deka datai ngulu pengawa tu di tesau datai ba Pasar Machan sebedau pukul 10.00 pagi kena 29 Nov 2008.

Bala bukai enti bisi ati deka enggau ngenatai ka diri, tau mega betanya ari TR Sandai (019 - 4673027)

Berita ti silik tau mega di peda ba - http://rhsandaimangut.blogspot.com/

Bala mayuh sigi di pinta sereta di lalu ka penatai ngulu pengawa tu, pengawa ti terubah di atur ba menua bagi Sibu.

Monday, September 22, 2008

Berita ari News Paper



Apu, berasai tekenyit ninga pekara ti baka tu tau nyadi ba siti alai ti di kumbai orang Kolej. Naka meh pengirau apai indai tudah Endun ti kena tuntung penusah tu. Apai indai Endun nya di Kanowit nadai meh nemu nama utai ke nyadi ba anak iya sekula ba Kolej di Kuching.

Ohhh bala kaban, barang sapa bisi nemu berita nya, kolej ni alai nya nyadi, arap ka bela bepadah/betesau, alai kitai bebantu ka Endun nya tauka betesau ngagai bala ke dudi, ni meh nemu engka ka betesau sama kempen "boikot" enti pekara nya udah suah amat nyadi ba kolej nya tang semampai di pelalai ka sida Management.





Thursday, June 19, 2008

Makai Malam SDNU

"Selamat Gawai Dayak"

SDNU Pampang Machan deka ngatur Pengerami Makai Malam kena 28/6/2008 (Hari Enam) ba Dewan Masyarakat Machan. Pekara silik peda di baruh.

Bala mayuh di pinta datai ngulu pengerami tu laban lalu di kena Ngiling Bidai Gawai ba ringkat Machan. Agi ke diatu meja agi bisi di galau ka bala mayuh lebih agi bala ti datai ari jauh.
Pengerami nya mega di sadang di gulu bala Pemesai baka YB serta Pemesai bukai ari opis opis perintah di Kanowit enggau Sibu.

Bala mayuh enti deka nemu berita enggau silik tau betanya ari TR Sandai (013-8174273)

Haribulan : 28/6/2008 (Hari Enam)
Jam : 6.30 Lemai
Rega Meja: RM250.00 (10 tubuh)
Tuai Pengabang: YB Datuk Gramong Juna seduai YB Aaron Dagang

Friday, June 13, 2008

Berita Pamansang Sawit



Nitih ka berita ari LCDA, Skim Sawit di Kanowit meh terubah ngena konsep Kunsi Kompeni enggau orang empu tanah 70% : 30%. Nitih ka atur, konsep nya di sadang mai penguntung ka kompeni lalu mega meri penguntung ka orang ti bempu tanah.

Lalu pia mega nitih ka berita ari opis PORIM, kelapa sawit belabuh mansut ka hasil udah iya manggai ngagai umur 3 tahun. Sawit deka mansut ka hasil ti mayuh pengudah umur iya 5 - 15 tahun tang hasil buah sawit deka nurun selepas manggai umur 15 tahun.

Berita ekonomi diatu madah ka rega semua komoditi benung niki. Rega sawit enda kurang ari RM680.00 setan, nya alai rega tinggi diatu endang iya mai penguntung ka semua orang ti ngembuan kebun sawit. Pia mega bala kompeni sawit endang maya tu meh bisi amat penguntung ke besai. Sema enti nadai penguntung, tentu bisi pekara enda manah nyadi dalam kompeni nya empu tauka pengawa sekeda kakitangan kompeni bisi enda lurus ngemata ka ladang.

Kebun sawit di Kanowit tu, di sadang nyadi ka chunto kebun sawit meri penguntung ninting taun ngagai sida ke be empu tanah. Penguntung ukai semina bisi peluang kerja, peluang pengawa kontrak tang untung nerima hasil ninting taun - dividen tauka bonus.


Berita ti ayan sebedau Gawai kena 21.5.2008


Nama kebuah pekara tu tau nyadi deh? Tanya kitai empu, tanya Kompeni tauka sapa agi alai kitai tau nemu kebuah utai tu nyadi?