Tuesday, October 21, 2014

Projek Gaharu (Agarwood) di Machan Meri Penguntung Besai?




Tabi ngagai semua bala kitai ti datai ari Machan. Selamat gerai sereta mujur dalam semua pengawa ti di gaga kitai besehari sehari.

Lama udah enda ngenatai ka berita ba Blog tu laban ti kelalu kiruh ke ulu ke ili, tang pagi tu 22/10/2014, nyau TERPANGGIL mega aku, tegal ti nerima berita ti tau amat ngasuh tekenyit lalu tau mega ngasuh "gaga". 

Aku nguji mega bekunsi ka berita tu ba facebook enggau chara bukai awak ka kitai sama enda tinggal enti bisi penguntung dudi hari ila.


 
 Isi gaharu

Paung gaharu kira RM10.00 - 15.00/sepun


  
Pengawa Enjekulan (ngejek) batang gaharu


Gaharu ti di injekulasi


Rega Gaharu Grade A di Semenanjung (RM7,000.00/kg)


Berita ti diterima malam tadi, madah ka kitai di Machan diatu benung begau KEMPIN KA SKIM PROJEK SHARE GAHARU" ti madah ka meri penguntung besai tegal rega gaharu manggai RM27,000.00/kg.

Berita tu manah tau ka enda ni ko kitai meh mansik/berunding ninjau ke kiba ninjau ke kanan: 

KESATU, rega gaharu di Machan jauh tinggi ari rega gaharu di menua bukai enti amat rega di Machan manggai ngagai RM27,000.00/kg. 

KEDUA rega paung gaharu di Machan manggai ngagai RM200.00/sepun ENGKA PAUNG DI BAI ARI LONDON, di banding ka enggau rega paung gaharu di Kuching kira RM10.00/sepun.

KETIGA, sebarang sapa ti deka namam GAHARU mesti masuk SHARE Kompeni RM1,000.00/sepintu lalu di gumpul agen ti udah di lantik ba Machan, En. XXXXX Ak XXXXX.  Nitih ka berita, kebuah mayar RM1,000.00 kena kompeni nganjung paung ti "manah di tanam" enggau rega RM200.00/sepun, kelimpah ari nya kompeni mega deka mantu bala rumah panjai meri ubat/injection RM250.00 ba pun gaharu nya ila, awak ka jampat mansut ka hasil gaharu.

Ba penemu aku, pekara tu tau amat nyadi TANDA TANYA, lalu di pansik bala kitai ti diau ba Machan dulu sebedau kena panjuk, minta anang beguai lalu tepapa ka berita ti gaya-gaya deka mudi/nipu bala kitai di rumah panjai.  

Enti di pansik (i) nama kebuah SHARE SKIM GAHARU tu enda di pejalai ka dulu ba Kuching, Sibu, Bintulu tauka Miri? (ii) Berita ti betanam/berskim sayur/kayu patut bisi pemendar ari opis perintah baka Agriculture Department tauka Forestry Department.

Diatu nama komen kitai sebala ti jauh enggau semak, nangi ka bala kitai ba Machan kena keduan sekeda orang, enti amat meri penguntung nadai ga ngawa.

cda

Sunday, February 19, 2012

Penatai Pemisi Ruang Bilik Pelilih Kanowit !!!!


Aram Sama Berunding Mutarka Penanggul Tu !!!!

Tabi bala kaban belayan, nama runding kita enggau berita ari Kanowit ti ayan dalam sekeda news papper?

Asai sepi aku, berita nya meri message bala rakyat di menua Kanowit lebih agi sida ti diau rumah panjai enggau menua pesisir, tebal amat dalam Class "Miskin" sereta "penatai pemisi" kurang ari RM3,000.00 sebulan

Uji kitai manding, 32,700 mensia diau mendam ba menua pelilih Kanowit, kira bisi enda kurang ari 4 iku seiti ruang bilik lalu penyampau Tuai Bilik kira 8175. 

Nitih ka berita nya, kira 175 Tuai Bilik aja bisi ngembuan penatai pemisi lebih ari RM3,000.00 sebulan.  

Naka kediatu 8,000 tuai bilik udah dikemendar nerima BR1M RM500.00. Kati ba list dudi ila, kada enda lebih ari 8175 ruang bilik ngembuan penatai pemisi kurang ari RM3,000.00 sebulan????

Dini penyilap tu neh? Ba runding aku tak semina bala ti gawa perintah baka Guru Besar, Pengetua, Kunsil, Manager enggau Kaktitangan Ladang kelimpah ari Deriba lipan ti dalam angka 175 nya.

Nya alai dini kitai manggai ka penyilap tu? Anang enda ingat, enti enda diputar ka enggau jampat diatu, 50 taun da pan kitai ti ba Kanowit, tetap makin majak tinggal ari menua bukai, taja pan kitai ti layak nyadi pengundi ba kawasan parliament Kanowit 17,558 ari pemayuh mensia 32,700 (bancian 2010)

 Berita ari Kanowit ti ayan dalam Utusan Borneo





WARGANEGARA MALAYSIA
TAHUN

1
Bumiputera
2007
2008
2009
2010*
2011*

a. Iban
25,400 (83.82%)
26,000 (84.15%)
26,500 (84.39%)
27,200 (83.18%)
-

b. Melayu
1,000 (3.30%)
1,000 (3.23%)
1.000 (3.18%)
1,100 (3.36%)
-

c. Melanau
400 (1.32%)
400 (1.30%)
500 (1.59%)
400 (1.22%)
-

d. Bidayuh
100 (0.33%)
100 (0.32%)
100 (0.32%)
100 (0.31%)
-

e. Lain-lain Bumiputera
100 (0.33%)
100 (0.32%)
100 (0.32%)
200 (0.61%)
-
 
Jumlah
27,000
27,600
28,200
29,000
-
2
Bukan Bumiputera  
 


-

a. Cina
3,200 (10.57%)
3,200 (10.36%)
3200 (10.19%)
3700 (11.31%)
-

b. Lain-lain
100 (0.33%)
100 (0.32%)
-
-
-

Jumlah
3,300
3,300
3,200
3,700
-
JUMLAH BESAR
30,300
30,900
31,400
32,700
-
(Pecahan penduduk mengikut kumpulan etnik di Kanowit), Anggaran penduduk berasaskan kepada Banci Penduduk 2010
(Sumber: Jabatan Perangkaan Malaysia, 2010)
(ambi ari Website Pejabat Daerah Kanowit)


Tuesday, February 14, 2012

Berita Manah ti nyadi ba bala ari Kanowit


1.  En. Maurice Giri nyadi Polsec

 Ngenatai ka pengaga ati ngagai bala kitai ari Kanowit lebih agi ngagai En. Maurice Giri ti baru dipaduka nyadi Polsec Kepala Menteri. Nitihka berita, iya nya, kitai ari Kanowit ti kedua udah nyadi Polsec. Iya nyadi Polsec udah bekau iya ngemaduka diri gawa ba kompeni.

Arap ka iya bejalaika pengawa merambu (planning), ngatur (implementing), nambahka (improvement) sekeda pemansang ti udah nyadi ba menua kitai. Semua kitai mega ngarapka bejalaika pengawa enggau ati ti lurus sereta nadai bechiping ati sereta bepilih bulu. 

Ba senentang nya, iya mega tentu amat beguna ka sukung, kerjasama bala kitai mayuh ka lebih agi bala sida ti bisi peneleba sereta ngembuan penemu.  Nya alai, kitai patut anang belampung ati besaup engggau sida iya ngatur pemansang ba menua kitai.



 En. Maurice Giri nerima surat nyadi Politcal Secretary ari YB Tan Sri Alfred Jabu Ak Numpang Sapit Kepala Menteri Sarawak


 2. Sekeda bala Tuai Rumah nerima Sertipiket mangku Pengawa

Ngenatai ka pengaga ati ngagai semua rakyat rumah panjai ti baru bisi "Tuai Rumah" ti dikelala (recognized) sereta bisi kuasa mangku pengawa. Arapka sida iya nyadi Ketuai ti lurus narit semua bala kitai di rumah panjai pansut ari kurung penyeranta.

Kelimpah ari nya, semua kitai mega ngarapka sekeda rumah panjai, ti empai bisi Tuai Rumah patut diputarka enggau jampat. Sema ka jaku, enti rakyat menua nya nadai "layak" nyadi Tuai Rumah, tau mega ngambi bala Iban ari menua bukai nyadi "Tuai Rumah Sandaran"  asalka elawin Tuai Rumah nya pulai ngagai bala kitai Iban. 

Aku nemu bala kitai mayuh enda setuju enggau "Tuai Rumah Sandaran" tang tu semina proposal aja kena mutarka penyuntuk enti amat amat nadai rakyat rumah nya "layak" nyadi Tuai Rumah. Ari ti ngelak ka rumah panjai lalu nadai Tuai Rumah sampai ka 4 tauka 5 taun.


 Pn. Mayang Ak Umpi nerima Sertipiket nyadi Tuai Rumah ari YB Datuk Gramong Juna ti di kemata ka YB Alexander Vincent

 

 En. Chuat Ak Seribu nerima Sertipiket nyadi Tuai Rumah ari YB Alexander Vincent Ujan



cda

Thursday, January 5, 2012

Sekeda Berita Ngelansa ari Machan (Kanowit)

1. Kaban Parliament Kanowit Nyambut Taun Baru

Ngenatai ka Selamat Taun Baru ngagai nuan sereta kita sebilik meh YB Datuk Aaron Dagang. Pia mega Selamat Taun Baru ngagai YB Datuk Gramong Juna seduai YB Alexander Vincent.

Besampi ka kita tiga ulih mai pemujur sereta pemansang ti lebih ari taun ti udah ngagai Kanowit lalu disadung ke Machan enggau Ngemah ba taun 2012 tu.

Sekeda pemansang ti besai patut di kerunding kita 3 iku YB, terubah, ngangkat ka pemanah rumah sekula (ganti rumah kayu ngagai bangunan simen ba sekeda sekula baka ka SK Ng. Machan, SK. Ng Jagoi enggau SK Ng. Ngemah). Bepun ari rumah sekula ti manah, nunjuk ka ketuai kita ti nyadi ketuai berat amat ngemansang ka pelajar sekula ti nyadi pugu pengangkat pemansang pendiau pengidup ba serata dunya.

Kedua, pemansang ba jalai alun/public road kitai di Kanowit asai sepi aku bisi ga nambah ninting taun, tang enda sampai 1km rate nambah dalam setaun. Reti iya dia, mayuh genturung menua kitai ba pelilih Kanowit dia, bisi enda ampit jalai alun/public road dalam kandang 60 taun tu ila. Aku besampika, info ti bisi ba aku, rate 1km/taun nya enda betul mega, nya alai sebarang sapa ti nemu rate ti betul tau meri komen ditu.

Selamat taun baru semua.



Berita ti ayan ba Borneo Post


2. Penghulu Umpi ngetu nyadi Ketuai Masayarakat

Udah manggai 18 taun nyadi Ketuai Masyarakat, terima kasih meh ngagai nuan Aya Penghulu ti udah ngempung ba adat bala kitai di Machan.

Tajapan nuan udah tuai, kami nyampika nuan enggau Ex-Pemancha Jantan semampai gerai belama. Seduai tau mega nyadi penyanding penemu ba sekeda pekara ti tau amat ngangkat pendiau pengidup, adat, main asal sereta ngempung bala kitai di Machan.

Jangka aku, awak ka peneleba/pengalaman seduai enda tenggelam ngapa, tau amat seduai mantu bala kitai di Machan ngena NGO ti nadai kaul enggau Politik, baka SADIA, SDNU tauka gerempung nembiak ti baru dikerandau ka bala sida Igat Danny Lang.

Ba taun ke baru tu, arap ka penganti nuan nyadi Penghulu ila, seiku ari bala sida ti bisi pelajar, ambis iya baruh manggai ngagai pom 5 tauka bala sekeda ti udah penchen ari kerja perintah tauka kompeni.

Pekara bukai ti tau nyadi ka lalau kitai/perintah milih penghulu/ketuai ka pegila lusa:-
(i) Ngembuan peneleba gawa enggau rayat mayuh ba semua tikas orang kaya/umang
(ii) Ngembuan pemanah kaul enggau rayat sereta bisi kaul enggau orang opis perintah/opis luar
(iii) Semampai ngena penemu tengahari (neutral)
(iv) Kala jauh singkang pejalai, kena muka penemu enggau runding ngatur/mutarka pemansang
(v) Enda amu/rangka/bam penemu/reta/duit/hari/jam
(vi) Berat/kering ba pengarap/ugama kena nan ka penemu tengahari/achuk/kerituk runding orang ti bingkuk/jai
(vii) Maju/mujur ngemansang ka diri sebilik - pelajar/bumai betupi/dagang/kontrak
(viii) Ngibun jaku/enda rengkar/"nelap" penenemu

Berita ti ayan ba Utusan Borneo & Borneo Post


Berita ti ayan ba Borneo Post


3. Bantu Rumah Panjai Tasah

Sinu ga ninga sida di Rh Unggang dituntung tasah angus rumah kena 12.12.2011 tu tadi.

Penusah sida tu, tau amat meh ambika lalau bala ba rumah bukai, awak ka semua kitai bela bejaga-jaga ari nembiak bemain api sereta api di dapur, anang ngira maya musim kemarau aja tang setiap hari.

Berita ti ayan ba Utusan Borneo


4. Sekeda Alai ba Machan Tuntung Bah


Nitih ka berita ditemu, rumah Indai Alice kena tuntung banjir kira jam 3.00 pagi, benung jenak tinduk, ensepi diri basah, nyau tedani.

Nasib ga bala kaban belayan ngesah sida menyanak betanggungka barang ngagai tingkat atas. Nitihka berita, tikas ai niki enggau nangka penyampat, ngejungka mayuh barang berendam enda sempat di ambi.

Ngenatai ka penyinu ati ngagai sida sebilik ngarika bala mayuh.


Berita ti ayan dalam Borneo Post


Berita ti ayan dalam Utusan Borneo

cda

Wednesday, November 2, 2011

Sekeda Berita Pemansang ti di anti ba Pesisir



Berita ti ayan ari Surat Berita (Borneo Post)



COMPENSATION DELIVERED: Gramong (second left) presents a cheque to a recipient as Catherine (left) and Lau (third left) look on

SIBU: Rural Development Assistant Minister Datuk Gramong Juna has appealed to the opposition to refrain from
derailing the government’s development projects meant to benefit the people.

“Do not politicise them as they are meant for the good of the people, in particular those in rural areas.

“It is sad you should resort to such approach just to discredit the government or to win in the election,” he said.

He was speaking after presenting cheques totalling RM1.26 million as compensation to owners whose land totalling 85.26 hectares were affected by the construction of the Menalun-Poi Road project here.

The ceremony, attended by 71 out of the 80 recipients, was held at Kanowit community hall yesterday.

Gramong, who is Machan incumbent, said the 10-km Menalun-Poi Road was one of the five roads in Machan state constituency to be implemented under the National Key Result Areas (NKRA) with a cost of RM45 million.

“The other NKRA road projects are in Ulu Machan, Kampung Bedil, Nanga Mam Road and in Batu Luking.

“I am glad to note most of the people in these areas are very grateful and appreciative to the government for improving their communication links,” he said.

Present at the ceremony were Gramong’s wife Datin Catherine Gramong, Land and Survey Department (LSD) Sibu superintendent Christina Lau, Kanowit district officer Bobbie Yamoh and Sarawak United People’s Party (SUPP) Kanowit branch chairman Datuk Ho Bee Yek.

Source: The Borneo Post

Short URL: http://www.sarawakpage.com/?p=1615

Friday, September 23, 2011

Sekeda Berita Bala Tuai Rumah diketu Mangku Pengawa

Berita tu di ambi ari Sarawak Talk, awakka bisi dikunsi bala kitai ba Nalan Berita Machan tu.


Unhappy BN sacks longhouse chiefs Joseph Tawie |
Posted by Unhappy BN sacks longhouse chiefs Joseph Tawie | on September 09, 2011 at 07:19:39:

Unhappy BN sacks longhouse chiefs
Joseph Tawie
| September 7, 2011

The side-effects of the April 16 state polls which saw opposition make historic inroads in Sarawak are being felt in longhouses now.

KUCHING: Several elected tuai rumah (longhouse chiefs) have been dismissed and replaced by pro-Barisan Nasional ones following the recent April 16 state election.

The state polls saw the opposition win an unprecedented 15 seats lending credence to the widespread belief that the ruling regime is losing its support base.

The state BN government has also been accused of appointing its own longhouse chiefs despite the communities having their own elected tuai rumah.

State PKR vice chairman See Chee How said as a result of “two” chiefs, longhouses were breaking up, creating disunity among the inhabitants.

“BN is disregarding the tuai rumah elected by the people, who are knowledgeable about the adat and customs.

“Often the ones appointed by BN do not know the Iban adat and customs.

“By appointing their own tuai rumah and ignoring the ones elected by the people, the BN government is breaking up the longhouses and causing disunity.

“These BN longhouse chiefs are not only being used to prop up the image of the BN politicians and state assemblymen, but are also used as tools to threaten the longhouse people into supporting the BN candidates during election times,” See said.

He claimed he knew a number of longhouses which were split because they have two headmen.

No reason for termination

See, who is Batu Lintang assemblyman, was commenting on the sacking of six tuai rumah from Machan in Kanowit.

The six headmen have not received their monthly allowance of RM450 since August 2011.

Up till now, no reason has been given for the termination of their appointments.

The six’s uncertain status is believed to be linked to the April state election in which a majority of voters from the six longhouses in Ukong, Jagoi and Lipus voted for the PKR candidate George Chen.

Although the BN candidate Gramong Juna, who comes from Parti Pesaka Bumiputra Bersatu (PBB), defeated Chen with a majority of 1,629 votes, he was said to be furious with the headmen for failing to convince their respective “anembiaks” (followers) to vote for him.

He secured 3,683 votes against 2,054 obtained by Chen.

The constituency has 9,944 voters, of which nearly 8,000 are Iban voters.

Government must explain dismissals

Another longhouse chief, Sandah Anak Tabau, has also received an official letter from the director of human resources unit in the Chief Minister’s Office, informing him that his service as a longhouse headman has been terminated.

No reason was for the dismissal.

See said that he believed that Sandah’s dismissal was connected with a suit involving a native customary rights (NCR) land case in which he was one of the plaintiffs and a witness.

The native landowners won the case against the government.

See, who is a lawyer, said that all the dismissed longhouse chiefs have been advised to write to the state secretary seeking reasons for their sacking.

“We need to know the reasons. If the government fails to give reasons, then we will file a judicial review with the court,” he said.

On Sandah’s dismissal, See said that he is a real “hero” who dares to stand up and speak up against injustice.

“What is the use of a leader if he is only listening to some politicians who are not from the village and a tuai rumah who does not command the respect of his ‘anembiaks’?

“Sandah is the type of leader the ‘anembiaks’ respect and love.

“He is the tuai rumah who was elected by the people of the longhouse and not appointed by the state assemblyman of the constituency.

“What is the point of having an official tuai rumah if he does not represent the people other than to disunite and threaten the people?” See asked.

More dismissals

Meanwhile, in Simunjan, 10 other tuai rumah have been dismissed effective from August, an officer from the district office confirmed.

One tuai rumah claimed that their dismissal was said to have been recommended by the Simunjan state assemblyman, Naroden Majais, who s is an assistant minister in the Chief Minister’ Office.

They claimed they were dismissed as they are reportedly too close to the Batang Sadong MP Nancy Shukri and have strongly recommended her for a second term as MP for the constituency.

They said that Nancy has been working very hard as an MP and treats everyone equally.

“She has no business interests in Simunjan and does not take away NCR land from the people,” they said.



Monday, September 12, 2011

Tuai Rumah di Buai laban KPI Baruh ????

Sekeda pekara ti ayan ba Surat Berita, chapuh bala ba sebelah kedai kopi kin kia ngenang berita nya. Buka Facebook pan baka nya, chapuhhhh, tang enggai nyadi ga bejaku sebedau mansik ngiga penerang ti chukup. Enti kitai nimbak guyap, lagi kena tekung ba kening, nama penyadi?

Pemuas deka nemu berita, kangau seiku, kangau seiku, nyau pengujung temu ga, pun enggau ujung berita. Sekeda gaga, sekeda mati runding. Bisi orang gaga tang jangka aku mayuh agi orang ti tusah ati berunding, betanya ka utai baka tu tau nyadi baru dalam era dunya mansang e-globalisasi, K-economy sereta dunya IT. Suba asai kala nyadi maya era (1983 -1997), penemu enggau runding nyangka tau kumbai agi mabu maya nya, tang diatu maya dunya nadai tisi, nadai sempadan, mensia beterudus masuk universiti, pulai ngesan degree abis baruh pan ngepit diploma.

Jangka aku orang ti gaga tentu enda mayuh, semina sida iya ti agi ngembuan penemu "jera sida/enda ngelala aku sida/tu kuasa ba jari aku". Orang ti empu rumah panjai betuai ka Tuai nya tentu enda senang ati digaga bakanya, tegal rakyat rumah nya "dikelese enggau nadai dibasa ari kaki sampai ke punjung pala". Sida rakyat rumah nya ti milih seiku Tuai ari pemayuh sida serumah, reti iya dia, sida rakyat rumah nya udah napis sapa sida ti patut nyadi Tuai Rumah.

Ba senentang nya, pekara tu nyadi deka ngepun sereta ngayan ka pengelemi atur/adat/pendiau/pengidup/Tuai (leadership)/politik/culture bansa kitai.

Kebuah aku ti nyebut munyi tu, nya meh ka pun:-

1. Rakyat/bansa Iban ba rumah panjai nya deka padam kuasa milih tuai,
2. Orang luar/opportunist seneka madu ka tuai ti enda diterima rakyat rumah nya, lalu ngujung ka penyarut nyadi,
3. Pengelemi Tuai/Pemimpin bansa Iban mansang tebantai laban sida ia ti meransang pekara nya nyadi (peda Press Statement ari Resident Sibu sereta),
4. Mentaliti ngemedis ka pangan diri bala kitai Iban sigi enda ulih punas ari semua kitai rakyat biasa/Bala Tuai (Penghulu/Pemanca/Temenggong/YB/Menteri),
5. Ngayan ka pengelemi Tuai kitai ngembuan/ngepun ka penemu "bedendam sampai ke parai" tang nadai sekali ngepun ka penemu matak/mentul runding rakyat ti bingkuk liuk.

Nya meh sekeda penemu ti ulih gumpul ari ti selalu bejegau ba kedai kopi, arap ka sekeda penemu enggau runding nya tau amat nyadi ka lalau semua kitai ti dipadu nyadi tuai ka pagila ka lusa enggau ka dudi hari.

Ngagai bala rakyat ti diau ba rumah panjai ti nadai agi Tuai Rumah, arap ka kita ngibun diri empu enggau penuh sabar sereta penuh pengarap ka diri empu, laban taja pan kita nadai "Tuai Rumah" tang kita mesti semampai dipeda "Segulai, Sejalai enggau Sepenemu" dalam semua pengawa. Nadai Tuai Rumah ukai bererti rumah kita udah pechah udah anchur, kitai ga meda beratus ratus taun ti udah kelia nyentuk ngagai taun 1990 bala Tuai Rumah pan nadai Sijil & nadai Elaun tang sida tetap meh diaku nyadi tuai enti sida iya sigi patut ba mata rakyat rumah panjai nya.



Berita ti ayan ba Utusan Borneo


Berita ti ayan ba Borneo Post


Berita ayan ba Utusan Borneo


Berita ti ayan ba Borneo Post


Surat nuju seiku Tuai Rumah


Surut nuju seiku Tuai Rumah tang peda "Salinan kepada"

cda