Berita Kanowit Ayan ba Surat Berita

Berita ari Kanowit pansut ba Borneo Post 24.12.2007,
bala mayuh ari Kanowit amat ngarap ka menua nya
nadai penyarut ba politik agi meh ke sekali tu.

Ba senentang tu, komen aku, bala sida ti udah tuai umur, baka Councilors, Temenggung, Pemancha, Penghulu, Tuai Rumah tauka Pengari, enti nadai pengering tubuh, pengering penemu ke baru/up todate knowledge tau mega meri peluang sida ke nembiak ti lebih up todate kena ngemansang ka menua tau ka rumah panjai kitai. Enti sida ti tuai umur enggau sida ti ngenyit madah ka diri ka ngadu ka rakyat nya majak ka diri, pengerugi tentu mega ngagai bala kitai di Kanowit.

Pasar Kanowit kena Bah

Berita ari Sibu madah ka sepanjai Batang Rajang, mayuh menua kena teresa bah, ari Kapit, Song, Kanowit serta Sibu.

Penusah tu nyadi setegal ujan lebat serta kena segang pasang raya ari tasik. Arap ka bisi berita baru ari bilik operasi di Sibu.

Tu sekeda gambarPasar Kanowit ti di terima ari bala , arap ka sida bukai bisi ngirum gambar ari Song, Kapit enggau Sibu dua tiga hari tu ila.

Tuai Raban Bansa ngulu Aum Besai SDNU

Ngenatai ka pengaga ati ngagai bala kita, ti nyadi tuai raban bansa kitai di Machan laban ti udah lempung tulang ngulu aum kin kia, kena nambah ka penemu enggau peneleba, serta muka mata muka runding kena ngemansang ka rumah panjai serta menua di Machan.

Anang jera bala kita, peneleba enggau penemu sigi enda berasai datai lebih agi kena ngadu ka pemansang SDNU ba pelilih Machan.

Delegates SDNU Machan TR Shamsudin seduai TR Barnabas Kadom begulai enggau En Stephen Randi, siko delegate ari SDNU Bintulu

Delegate SDNU Machan TR Sandai begulai enggau Pemesai ari Japanese International Cooperation Agency (JICA), En. Kazuhiko maya Makai Malam sebedau Aum Besai SDNU

Delegates SDNU Machan, TR Shamsudin, TR Mathew Dana, TR Barnabas Kadom serta TR Sandai, lebuh ke ngetu maya Aum Besai SDNU kena 1/12/2007

Sekeda delegates benung ninga ka randau

Mr Mengga Mikui ti menang nyadi President SDNU begulai enggau Mr Roland Duncan Klabu ti sama berebut ka penduduk President SDNU

Bala Komiti Besai (SEC) SDNU 2003-2007 benung mantai ka report, ti berchairman ka Cr. Chambai Lindong

Bala Observers ari Pampang-pampang SDNU serta ari Dewan Adat Dayak Se-Kalimantan Pontianak, serta nembiak pelajar University ari Denmark di Pontianak

Nama komen kita, Pengachau di Kanowit Betambah?

Berita tu ayan ba Utusan Borneo 12.11.2007

Raban SK Ulu Machan nemuai ke Kuching

Bala raban ari SK Ulu Machan nemuai ke Kuching kena 2 - 4 hb Nov 2007. Bala nembiak tahun 6 enggau tahun 5 betuai ka Guru Besar, Cikgu Julius C Urie serta di sempulang 7 kaban komiti PIBG.

Sida nemuai ngagai sekeda endor ke tau ngelantang ka ati serta alai ti manah meri peluang belajar serta mai peneleba ke baru.

Penemuai sida iya sekali tu nadai mayuh peluang ngagai opis-opis perintah baka Dewan Undangan Negeri, Radio, State Library, Muzeum Kayu STIDC serta Muzeum Kucing DBKU laban ti ujung minggu. Tang taja pia, sida iya sempat nemuai ngagai Kampung Budaya, Pusat orangutan Semenggok serta Jong's Crocodile Farm kelimpah ari Muzeum Sarawak.

Ngenatai ka pengaga ati ka semua raban sida laban ti udah mujur mai bala nembiak nemuai, awak ka bisi muka mata serta minda nembiak menua pesisir. Arap ka peneleba ti ulih bala nembiak nya, tau mai pengeransing serta pemujur sida ba pelajar jemah ila.

Bala raban Pengajar SK Ulu Machan sempat begulai enggau Apaienduq lebuh sida iya limpang ngagai Tasik Biru Bau pagi 4.11.2007

Bala raban ari SK Ulu Machan begambar bebala mayuh maya ngetu ba Tasik Biru Bau


En. Julius begambar enggau YDP PIBG TR Kayan, En. Remang serta En. Runggul


Nembiak Tahun 6 enggau bala pengajar


Nembiak Tahun 5 begambar enggau 2 pengajar sida ba Tasik Biru Bau

Kanowit deka ayan ba RTM/TV1 kena 11/11/2007 jam 10.00 malam

Nitih ka berita di pesu ka bala ari RTM, berita pemansang "Kawasan Parliament" Kanowit deka di tabur ba - TV1 RTM dalam kandang ka tiga minggu ti ka datai. Ba kawasan parliament bukai mayuh dah pansut. Diatu gintir kitai ari Kanowit meda berita pemansang ayan ba TV.

Bala crew RTM diatu udah sedia ka ngambi gambar ba semua rumah panjai ari Ulu Machan, Ulu Poi, Ulu Ngemah, Tada, Tuah, Bawan, serta ba pasar Machan enggau Pasar Kanowit dia empu. Arap ka berita pemansang enggau berita penyeranta kitai di pansut ka magang meh, ngicha ka orang nemu ba ni kitai mansang lalu ba ni kitai seranta !!!!

Enti udah nemu menua kitai SERANTA serta mayuh pengurang, berilah pemansang ba taun dudi tu ila!!!

Taja pia, endang tanggung jawab semua kitai, ngaga/ngiga(cadangan pembangunan) serta ngenatai ka peminta ngagai channel/salur ke betul, ukai semina nyebut ngena mulut ba kedai kopi, ba rumah panjai tauka kaki lima. Kebuah iya pia laban diatu semua cadangan pembangunan mina di pasuk ba RANCANGAN PEMBANGUNAN KERAJAAN/MALAYSIA PLAN enti iya bisi di bantai ka ari agensi perintah baka opis Majlis Daerah Kanowit, Opis DO, JKR, Agriculture, Education, Medical, Kementerian Pembangunan Luar Bandar & Wilayah enggau mayuh opis ke bisi ba Kanowit kelimpah ari Wakil Rakyat (MP/ADUN).


Berita ari News Paper

Pansut ba Borneo Post (20.10.2007), to confirm/ ngamat ka berita serabubu, ti madah ka Berita Kanowit deka ayan ba RTM/TV1

Berita serta Gambar kunsi ari Raban

Penatai bala YB Aaron Dagang ba Rh Engkayau, Ulu Machan kena 18/10/2007
(Gambar di kunsi ari Dara Machan)

Krew RTM benung ngambi gambar pengawa nyambut penatai bala raban YB Aaron Dagang ba Rh Engkayau Ulu Machan
(Gambar di kunsi ari Dara Machan)

Berita Bala Tuai Kanowit Bulan Oktober

Pansut ba Surat Berita

Semua berita ti ayan ba mass media ka bulan tu ti bisi sangkut paut enggau Machan/Kanowit deka di bantai baru ba Nalan Berita tu awak ka bisi di simpan lama.

Kelimpah ari nya bala kita ke jauh ari Sarawak mega ulih ninjau pengawa ke nyadi di menua lebuh kita ke di menua orang.

YB Aaron Ago Dagang begulai enggau YB Dato Sri William Mawan bejalai ka pengawa perintah ba Rh Barnabas Kadom Semedang Machan (Borneo Post 8.10.2007)

Tuai Masyarakat - Penghulu Umpi ngenatai ka serabana rakyat di menua pesisir lebuh penemuai Menteri ke Rh Kadom Semedang Machan (Borneo Post 8.10.2007)

YB Datuk Gramong Juna begulai enggau YB Dato Sri Dr James Jemut Masing bejalai ka pengawa perintah betemu rakyat ba rumah panjai di pelilih Kanowit (Borneo Post 10 Oct 2007)

YB Datuk Gramong Juna nyua ka certificate ngagai TR Barnabas Kadom, di ke mata ka YB Aaron Dagang, Pemancha Jantan, TR Benjamin Angki (Borneo Post 8 Oct 2007)

YB Datuk Gramong Juna begulai enggau DO Kanowit En. Philip Ado serta En. Alexander Vincent ba siti pengerami di Kanowit (Borneo Post 13.10.2007)

Pasar Machan

Cherita Lama

Dua lumpung /blok kedai kayu ba Pasar Machan


Kediatu, Pasar Machan bisi 4 lumpung kedai. Selumpung kedai kayu lalu selumpung da kedai semi-concrete, selumpung da kedai baru ti betingkat 2, serta siti kedai betingkat 3.

Asal Pasar Machan mina dua lumpung kedai ti nungga ka Ai Kanowit kena banchak /tumpu Nanga Machan. Kandang ke 30 taun, nadai mayuh berubah ba Pasar Machan laban iya semak enggau Pasar Kanowit lebih agi diatu ulih rembus ke Sibu dalam pengelama kira 35 minit. Ngagai Airport Sibu mina 20 aja.

Dini dini pasar menua pesisir, ujung minggu endang iya maya mensia tebal agi bejual bebeli enti banding enggau hari-hari bukai. Hari Lima mina bisi sekeda apai indai ngambi nembiak pulai sekula. Hari Minggu endang hari bejual bebeli tauka ngalu kelimpah hari nembiak sekula mulai ke diri baru.

Agi 20 taun nyin suba, hari minggu ukai semina hari ngalu tang alai sida ke tuai ngelantang ka ati NYABUNG MANUK ba baruh pun pedalai ba kebun getah ari ulu pasar mimit. Pengawa ti besabung ka manuk tu nyau ka genap minggu nadai agi diatu, nyangka laban mensia nyau sedar pengawa nya amat salah serta beguna ka permit ari polis tau ka ari opis DO, tambah mega nyabung manuk ukai pengawa ti gerai ba pengidup kitai besari sari kelebih agi ba dunya kemaya hari tu.










Tamu/Jungle Produce Market, ba antara dua lumpung kedai lama. Tamu tu lalu enda di kena taja pan udah tembu gaga lebih setaun.

Jelatung/Penyangkai nadai meruan ba pasar Machan

Perau agi nyadi perengka pemindah nombor satu di Machan

Nalan Berita

Minta ampun, kami benung berumah diatu !!!!

Nya alai kami ngena peluang tu, mesan ka bala kita nembiak ke datai ari Machan tang diatu gawa sebelah KL, Miri, Bintulu, Kuching enggau menua bukai, minta saup kita ngadu ka NALAN tu nyadi manah.

Semua berita ke manah, tau anjung ke NALAN, awak ka bisi di kait kena ngias ruai, bilik enggau dinding NALAN tu.

Terima kasih.