Selamat Datai Ke Machan
Bala Pengajar sereta Mr. Augustine Jayan ngelalu kapenatai President SDNU Mr. Mengga Mikui
SDNU Pampang Machan begulai enggau PIBG SK Nanga Machan udah mujur ngadu ka ceramah ba Dewan Masyarakat Machan kena 19/4/2008. Bala mayuh ti datai ngulu pengawa nya kira 500 iko nembiak, Pengajar, bala apai indai sereta bala Tuai-Tuai Masyarakat pelilih Machan. Nitih ka jako pengelalu ari Guru Besar, tu meh terubah Ceramah di atur ba Dewan Masyarakat Machan sereta di gulu mayuh apai indai ti datai ari pelilih Machan.
President SDNU Mr. Mengga Mikui di kangau bejadi ka pengawa nya ngari ka MP Kanowit, YB Aaron Dagang. Iya meri terima kasih ngagai PIBG, Guru Besar enggau bala pengajar sereta Pengarah Opis Pelajar laban ti meri peluang SDNU ngaga aktiviti di pelilih Machan. Iya mega ngenang ka sekeda penanggul SDNU ngatur pengawa ti baka tu enda ulih nitih ka seneka ati laban bala Penceramah ngereja pengawa volunteer tambah mega SDNU kediatu agi suntuk belanja kena ngatur pengawa tu suah ka agi enti sema bisi peminta ari menua pesisir.
Mr. Augustine Jayan ti nyadi Pegawai Pendidikan Daerah Kanowit mega bisi datai, iya madah ka pengaga diri sereta muji SDNU laban ti ngaga pengawa tu ti kedua kali ba pelilih Machan. Pengawa tu ti mai pemanah ka nembiak sereta apai indai ti tau ngangkat ka "kesedaran" di menua pesisir.
Guru Besar SK Nanga Machan, En. Ahba bin Ahmad lebuh bejako ngelalu ka penatai bala pembesai sereta Penceramah, meri puji sereta meri terima kasih laban ti milih SK Ng Machan alai ngada ka ceramah. Iya mega ngarap ka pemutus ba peresa sekula sereta runding sereta penemu apai indai nembiak tau betambah manah pengudah ka ninga ceramah.
YDP PIBG En. Drisa Bol, ngelalu ka penatai bala Penceramah sereta minta bala mayuh ti bisi datai sama ninga ka berita ti deka di bai bala Penceramah ti datai bekunsi ka penemu enggau peneleba.
YDP PIBG SK Ng Machan En. Drisa Bol
Guru Besar En. Ahba bin Ahamad
Pegawai Pendidikan Daerah Kanowit Mr. Augustine Jayan
President SDNU Mr. Mengga Mikui bejadi ka pengawaBala Speakers ti datai nitih ka ripih pekara ti di pansa jurai:-
1. Dr John Brian Consultant Iban ari KL bejako ka "Parenting Skill"
Dr. John Brian, siko orang ti landik ba penemu ngadu ka rundingsiko-siko mensia ti lemah tau berubah nyadi pintar enti iya nitih
ka latih ti betul
2. Mr. William Baja Jap Pengetua SMK Sedaya Kanowit bejako ka "Cabaran dan Pengalaman Melanjutkan pelajaran ke Universiti"
Mr.William Baja mantai ka cherita penusah iya kelia, tang ari baipengeliat ati deka maju ba pelajar ngujung ka iya pan mujur sampai ke Universiti
3. Mr. Helbert Ubong ari Education HQ Kuching bejako ka "Panduan Belajar Secara Berkesan"
Mr. Helbert Ubong nerang ka sekeda atur sereta charabelajar kena ngangkat ka pemanah pemutus peresa
4. Dr. Dusit Jaul Senior Programme Coordinator INTAN Kuching bejako ka "Pelajar Cemerlang, Keluarga Gemilang, Bangsa Tebilang (memilih Kerjaya dan Peluang Melanjutkan Pelajaran)"
Dr Dusit muji siko indai laban ti nyempulang anak iya mending kaberita chara kitai tau ngemansang ka diri ngena pelajar sekula
5. Mr. Terrence Temenggong Jayang Ex-Senior Manager Standard Chartered Bank, ari DCCI Kuching bejako ka "Saving for Colleges (Bekelimat kena Sekula)"
Mr. Terrence Temenggong bekunsi ka chara ngatur nyediakabelanja nyengula ka anak
6. Mr. Anthony Banyan ari State Planning Unit Kuching bejako ka "Tanggung Pengawa Apai Indai ngemansang ka Pelajar Anak(Peranan Ibu Bapa Memajukan Persekolahan Anak-Anak "
Mr. Anthony Banyan benung bekunsi ka sekeda penelebatanggung pengawa apai indai di rumah panjai
President SDNU Mr. Mengga Mikui ngenatai ka pemberi Mr. Mark Chella (agi di Holland) seduai iya empu ngagai Chairman SDNU Machan TR Barnabas Kadom lalu di kemata ka YDP PIBG En. Drisa Bol seduai Secretary General SDNU Mr. Anthony Banyan
Bala Penceramah begambar enggau bala komiti pengaturpengawa ari PIBG & SDNU
Bala Speakers sereta temuai ti datai ari jauh
Bala mayuh ti ngulu Ceramah Motivasi ba Dewan Masyarakat Machan
Bala Tuai Masyarakat Pemancha Jantan, TR Brangka, TR Samsudin serta bala ti gawa ba sekeda opis perintah mega bisi datai
Sekeda bala Indai nembiak mega sempat mending ka randau sehari nya
Bala sekeda apai indai nembiak ninuk mending ka jako ari Dr. John Brian
Bala pengajar benung nganti penatai bala penceramah
Bala temuai sereta bala pengajar maya merarau
Bala Pengajar benung merarau
