Thursday, October 11, 2007

Kanowit deka ayan ba RTM/TV1 kena 11/11/2007 jam 10.00 malam

Nitih ka berita di pesu ka bala ari RTM, berita pemansang "Kawasan Parliament" Kanowit deka di tabur ba - TV1 RTM dalam kandang ka tiga minggu ti ka datai. Ba kawasan parliament bukai mayuh dah pansut. Diatu gintir kitai ari Kanowit meda berita pemansang ayan ba TV.

Bala crew RTM diatu udah sedia ka ngambi gambar ba semua rumah panjai ari Ulu Machan, Ulu Poi, Ulu Ngemah, Tada, Tuah, Bawan, serta ba pasar Machan enggau Pasar Kanowit dia empu. Arap ka berita pemansang enggau berita penyeranta kitai di pansut ka magang meh, ngicha ka orang nemu ba ni kitai mansang lalu ba ni kitai seranta !!!!

Enti udah nemu menua kitai SERANTA serta mayuh pengurang, berilah pemansang ba taun dudi tu ila!!!

Taja pia, endang tanggung jawab semua kitai, ngaga/ngiga(cadangan pembangunan) serta ngenatai ka peminta ngagai channel/salur ke betul, ukai semina nyebut ngena mulut ba kedai kopi, ba rumah panjai tauka kaki lima. Kebuah iya pia laban diatu semua cadangan pembangunan mina di pasuk ba RANCANGAN PEMBANGUNAN KERAJAAN/MALAYSIA PLAN enti iya bisi di bantai ka ari agensi perintah baka opis Majlis Daerah Kanowit, Opis DO, JKR, Agriculture, Education, Medical, Kementerian Pembangunan Luar Bandar & Wilayah enggau mayuh opis ke bisi ba Kanowit kelimpah ari Wakil Rakyat (MP/ADUN).


Berita ari News Paper
Pansut ba Borneo Post (20.10.2007), to confirm/ ngamat ka berita serabubu, ti madah ka Berita Kanowit deka ayan ba RTM/TV1


Berita serta Gambar kunsi ari Raban

Penatai bala YB Aaron Dagang ba Rh Engkayau, Ulu Machan kena 18/10/2007
(Gambar di kunsi ari Dara Machan)


Krew RTM benung ngambi gambar pengawa nyambut penatai bala raban YB Aaron Dagang ba Rh Engkayau Ulu Machan
(Gambar di kunsi ari Dara Machan)



5 comments:

STROKE_CLINICS said...

engkah mayuh gik ke gambar ditu apai enduq....ngica ke bisi dipeda...

Apaienduq said...

nehhhhh, pia meh igat sc, ninjau ninjau kitu meh enti lelengau ka menua. Nuan ga mega sida aki pemanca dunga dunga duduk. Nama berita nuan di menua orang?

STROKE_CLINICS said...

manah berita ditu..bisi pulai ke rumah aku tengan bulan 12 tu ila. cuti 3 minggu aja ba rumah..uji ngabas ruai aku kin ka...baru digaga aku ari nya...

Apaienduq said...

auu, bisi aku mansa, minggu tu nadai kala pansut, kiruh ba endor bukai.

Evelyn said...

Penyeranta kitai di Machan ka digaga baka dalam TV3 BERSAMAMU?
Ambu aku manah agi pengidup sida ke udah ditayang ba BERSAMAMU ngelamatu ari cara pengidup kitai di rh panjai machan din.


Enda Malu DUN Machan enti rakyat ia ditayang di TV bakanya.


Anak Rassan.