Friday, June 13, 2008

Berita Pamansang Sawit



Nitih ka berita ari LCDA, Skim Sawit di Kanowit meh terubah ngena konsep Kunsi Kompeni enggau orang empu tanah 70% : 30%. Nitih ka atur, konsep nya di sadang mai penguntung ka kompeni lalu mega meri penguntung ka orang ti bempu tanah.

Lalu pia mega nitih ka berita ari opis PORIM, kelapa sawit belabuh mansut ka hasil udah iya manggai ngagai umur 3 tahun. Sawit deka mansut ka hasil ti mayuh pengudah umur iya 5 - 15 tahun tang hasil buah sawit deka nurun selepas manggai umur 15 tahun.

Berita ekonomi diatu madah ka rega semua komoditi benung niki. Rega sawit enda kurang ari RM680.00 setan, nya alai rega tinggi diatu endang iya mai penguntung ka semua orang ti ngembuan kebun sawit. Pia mega bala kompeni sawit endang maya tu meh bisi amat penguntung ke besai. Sema enti nadai penguntung, tentu bisi pekara enda manah nyadi dalam kompeni nya empu tauka pengawa sekeda kakitangan kompeni bisi enda lurus ngemata ka ladang.

Kebun sawit di Kanowit tu, di sadang nyadi ka chunto kebun sawit meri penguntung ninting taun ngagai sida ke be empu tanah. Penguntung ukai semina bisi peluang kerja, peluang pengawa kontrak tang untung nerima hasil ninting taun - dividen tauka bonus.


Berita ti ayan sebedau Gawai kena 21.5.2008


Nama kebuah pekara tu tau nyadi deh? Tanya kitai empu, tanya Kompeni tauka sapa agi alai kitai tau nemu kebuah utai tu nyadi?



7 comments:

Anak Rassan said...

Sawit di Machan, nadai kebuah mai pengerugi.

1996 ngagai 2008 semak 10 taun.
5 taun sawit mai penguntung.
5 taun company udah untung.
0 taun native nadai untung.

Nama komen YB kitai?

anak rassan

Apaienduq said...

Nadai nemu berita ari sida YB, arap ka sawit mai penguntung meh udah tu

Anak Rassan said...

Hello AE,

The borneo post online :
Sida di Kanowit bulih dividen RM 635,000
Ladang Kelimut enggau Maong Estet Di Machan nerima 'interim dividen'' keterubah.

Pengawa Ke mantah nyenkaum protes ngempang jalai ngagai ladang NCR di Kelimut ngau Maong Estate ngujungka kompeni ngemaju tanah rugi bisi RM 4.7 juta - ladang kelimut, RM 700,000 - Ladang Maong. Ko YB. GJ.

Rugi dulu baru untung, tauka untung dulu baru rugi ?

Berita manah ngagai sida di Machan.

Anak Rassan said...

AE,

Turun maioh amat rega sawit diatu.
Nasib udah nerima dividen sida di Machan, ti enda putih mata nganti.

Anak Iban Ulu Sungai said...

Ti baka sawit di Machan endang sigi semampai nadai untung munyi ko kompeni. Ba runding aku manah agi ga kompeni giling tikai serah ke aja tanah pulai ngagai orang ti beempu tanah ari dibasau nadai mai hasil. Awak ka owner empu bejalai ke dagang kelapa sawit.

Uchu Jantan said...

Hi AR,

Nama rita nuan. Tanah kitai di Kelimut udah di Buka 10 Taun...Dalam kandang 10 taun nyak sida LCDA nadai kala ngeluar ka report ngagai landowner. Leboh aku empu nanya sida LCDA empu maya ka sawit carut di opis kelimut sari nya..enggau enda sgan silu chak nyak madah sida nadai duit kena meli A4 papers...come on laa..anang kelalu ka nipu rakyat. Enti sida olih ngaga rumah staff and opis besai nama reason madah enda mampu meli A4 papers kena ngeluar ka report tahunan ngagai landowner. Not only that, bisi sumber ka olih dipercaya ka madah sida kompeni udah meri penyampau duit ngagai LCDA but wheres the money ???...fikir-fikir meh kitai.. Lebuh nuan meda rumah bala ka gawa di LCDA..wow !! that big ka...mampu ka iya ngaga rumah and meli kreta nyak ngena gaji iya....

Rakyat di Machan and Kanowit enda nganu sida LCDA if sida madah ka bala rakyat ngau cara tik betul..org diatu ukai enda nemu macha surat..cuma sida LCDA tok mayuh putar belit lebuh di tanya...baka ka mayuh utai di lalai. Come on la LCDA , taja sida inik , akik nadai nemu macha but anak uchu sida tok panadai macha , nemu internet or lebih pandai ari sida LCDA nyak. So , anang meda people in Machan or Kanowit ngena sepiak mata.

I , personally sms to Gramong Juna regarding the oil palm plantation in Kanowit but he couldn't answer. Then what are expecting now ??.

Nya ajak...ka pulai dulu...pagila sambung baru...bye..bye..

yeiometz said...

Ti majak baka ke udah. Sawit di Machan sigi nadai pengujung jauh ka bisi penguntung. Ti mina nerima bepuluh ringgit tauka beratus ringgit dalam masa lapan taun manah agi tutup sawit tanam ke buah terung... bisi agi asil ti dijual dikedai...