Tuesday, November 24, 2009

PEMUTUS UPSR 2009



SK Ulu Machan
udah mujur ngenan ka pemutus UPSR 2009 tu tadi 83.3% sebaka enggau pemutus UPSR 2008 suba. UPSR taun tu tadi, siko aja nembiak bulih pemutus ti pemadu manah, 3A, 1B & 1C. Nembiak ti bukai bulih 2A & 3B, lalu sekeda bulih 1A, 2B & 2C.

Taun tu mega, SK Ulu Machan mujur ngulih ka pemutus "ranking" ti nombor 2 ari semua 25 Sekolah Kebangsaan ba pelilih Kanowit, berita tu di temu maya ti berandau enggau Guru Besar, Cikgu Julius Urie ba Premier Hotel Sibu kena 24/11/2009 tu tadi.

SK Nanga Sengayan, sekula ti mujur ba UPSR 2009 tu tadi, 100% pass ba pelilih Kanowit, nyadi sekula ti ba "ranking" nombor 1.

Ngenatai ka pengaga ati ngagai bala pengajar sereta semua kakitangan sekula ti betuai ka Cikgu Julius Urie, ari kami sebilik, bala menyadi, bala petunggal sereta semua kaban belayan ti kala sekula di SK Ulu Machan.

Selamat mujur dalam semua pengawa, gerai sereta regas ba semua pengawa pemansang ka diri sebilik, serumah, bansa enggau menua.


h

4 comments:

Anak Rassan said...

Syabas, SK Ulu Machan !.

Apaienduq said...

AK, arap ka bala cigu bisi macha, meda "syabas" ari nuan mega.

Kira boleh tahan ga SK ulu sungai ulih ba ranking nya. "Syabas" ngagai bala ciigu bala ciigii sereta enggau apai indai ti meransang anak mujur ba UPSR.

Taun dudi ka nguji mai bala kaban contribute RM50/siko kena ngaga TABUNG PERANSANG ke upah nembiak ti bulih A ba UPSR.

Minta saup seduai Pasang tu ila deh.

TK

Anak Rassan said...

AE,

Nadai salah nyaup ti bisi peluang.

''kasih betati ke dirik suba''. Semina pulai ke buding (hostel) tepik-tepik ngena selipar jepun, mai bungkus plastic chelum simpan baju ngau buah (macam-macam di simpan indai ke dempa 2 / 3 hari pama meh). Asai ke jauh bedarat asoh sekula SRK Nanga Machan,peda mata agi mit....agi belai' mata nyabak enda betah indai...ingin ati ka nikal....

Apaienduq said...

AK,

Kami sekula ulu sungai lebih agi merinsa. Sori aja lah, selipar jipun agi ga ampit, sekeda ngena selipar brunai, nadai nemu basuh, nadai nemu basah, nadai kala buka !!!!

Diatu, anang ngambi pemrinsa kitai lama, nagang mantu sida ti dudi.

Mina saup kitai tu meh ulih mansut ka nembiak ulu sungai ti dudi ari semua pemerinsa nya.

Bala bukai, nadai enggau tua berandau ditu tang sida bisi ninga !!