Wednesday, June 9, 2010

Gawai 2010


YB Datuk Gramong Juna Ngabang Gawai di Ulu Sungai


Kena lemai 1/6/2010, bala ba Rh Sandai enggau Rh Kayan Ulu Machan berasai amat betuah laban ti terubah iya YB Datuk Gramong Juna ngabang Gawai Dayak taja pan iya udah nyadi Pengari Sitak Machan kenyau ari 1975 kelia.

Penemuai iya enda bulih sejam duduk di ruai, udah umbas mega ngayan ka mua kena mandang ka iya berat ka pemedis pengidup di ulu sungai, pia ku TR Kayan.

Lebuh ti berandau ngerampasa ba Rh. Kayan enggau Rh Sandai, YB Datuk Gramong madah ka diri ngelama tu semina ngabang ba rumah panjai tisi jalai Kanowit enggau Machan. Taun tu kira betuah meh bala di Ng Menalun Poi enggau Mangut Machan laban ti kena lawa YB Datuk Gramong & Datin Catherine, DO En. Bobby Yamoh & Mrs, sereta KPD ASP Lanying & Mrs. ngena Helicopter.

Ba randau nya mega YB Datuk Gramong di pinta ngenatai ka Insentif pelajar ka nembiak ari Rh Sandai ti mujur enggau manah ba peresa UPSR, PMR enggau SPM 2009 nyin kemari.


YB Datuk Gramong Juna ngenatai ka sekeda berita Gawai ba Rh Kayan


Terubah YB Datuk Gramong Juna Ngabang Gawai ba Rh Sandai Mangut Machan


Terubah YB Datuk Gramong Juna ngabang Gawai di menua ulu sungai ba Rh Kayan


YB Datuk Gramong nyua ka Insentif Pelajar ti mujur enggau manah ba SPM 2009 ba Rh Sandai


YB Datuk Gramong nyua ka Insentif Pelajar ti mujur ba PMR 2009 ba Rh Sandai


Indai Rose ari Rh. Sandai nerima Insentif Pelajar ka Pemujur Uchu ia ba UPSR 2009


YB Datuk Gramong nyua ka perais melukis ka nembiak ba Rh Kayan


TR Sandai seduai TR Kayan ngulu ka bala bukai begambar enggau YB Datuk Gramong Juna


Pemulai YB Datuk Gramong ari Mangut



cda

5 comments:

Anak Rassan said...

1975 ....semadi bisi bilun engkabang.

Selamat Hari Gawai Apai Enduq sebilik & serumah.

Apaienduq said...

Selamat Gawai ngagai kita sebilik AR. Bisi pulai kita Gawai tu tadi?

Aku ninga berita, Dato Ahmad bisi ngabang ke Rassan, tentu rami sida di rumah panjai!!!

Anak Rassan said...

AE,
Bisi pulai, umbas ia kena mantup ke penengok.

Bisi datai. Apai Tutong ari Jagoi ngulu ke bala uchu ia nemuai ke rassan.

Apaienduq said...

Aku bisi ati ka nemuai ke Rassan tang nat diri sakit kelimppah ari nya, enda tentu chukup jam, tusah ka ngarau !!!!!

Anak Rassan said...

AE,

Sakit M.... pia ?
Ulih meh datai ''ngarau'' enda lama ngabang ke rassan.....nengah jalai ''ngarau'' atas nyin 4WD ulih diatu pulai hari ga ti enggai bemalam.
arap betemu maia gawai taun baru.